ஜெயலலிதா சொத்துகளை பராமரிக்கப் போவது யார்?

வழக்கு விசாரணையின்போது முன்னாள் ஜெயலலிதா ரூ. 40 கோடி வருமான வரி செலுத்த வேண்டும் என்ற தகவக் வெளியானது…

ஜெயலலிதா சொத்துகளை யார் பராமரிக்கப் போவது யார்? தேதி குறிப்பு!

மறைந்த முதல்வர் ஜெயலலிதாவின் சொத்துக்களை நிர்வகிக்கச் சிறப்பு அதிகாரி ஒருவரை நியமிக்கக் கோரி சென்னை உயர் நீதிமன்றத்தில் தாக்கல் செய்யப்பட்ட மனு தொடர்பாக நாளை வீடியோ கான்பிரன்சிங் மூலமாகத் தீர்ப்பு வெளியாகும் என அதிகாரப்பூர்வ தகவல் கிடைத்துள்ளது. 

தமிழ்நாட்டின் முன்னாள் முதல்வர் ஜெயலலிதாவிற்கு சுமார் 913 கோடி ரூபாய் மதிப்பில் சொத்துக்கள் இருப்பதாகவும் இதைப் பராமரித்த சிறப்பு அதிகாரி ஒருவரை நியமிக்க வேண்டும் எனக் கோரி சென்னையைச் சேர்ந்த சிலர் சென்னை உயர் நீதிமன்றத்தில் மனுத் தாக்கல் செய்திருந்தனர். 

குறிப்பாக அந்த மனுவில் ஜெயலலிதாவிற்குத் தமிழ்நாடு மட்டுமின்றி பல்வேறு மாநிலங்களில் சொத்துக்கள் உள்ளதால், அதன் நிலை என்ன யார் அதைக் கவனித்து வருகிறார்கள் என்ற தகவல் இல்லை என்பதால் சிறப்பு அதிகாரி ஒருவரை அரசு நியமித்துச் சம்பந்தப்பட்ட சொத்துக்களைப் பராமரிக்க வேண்டும் எனக் கூறப்பட்டிருந்தது.

இந்த வழக்கு விசாரணையின்போது வருமான வரித் துறை உள்பட அரசுத் துறைகள் எதிர் மனுதாரராகச் சேர்க்கப்பட்டது. வருமான வரித்துறை உயர் நீதிமன்றத்தில் அளித்த தகவலின்படி ஜெயலலிதா ரூ. 40 கோடி வருமான வரிப் பாக்கி செலுத்த வேண்டும் எனத் தெரியவந்தது.

இதைத் தொடர்ந்து ஜெயலலிதா சொத்து விவரம் உள்பட அனைத்து விவகாரங்களும் விசாரிக்கப்பட்டன. இந்நிலையில் வழக்கு விசாரணை முடிவடைந்ததைத் தொடர்ந்து நாளை வீடியோ கான்பிரன்சிங் மூலம் தீர்ப்பு வழங்கப்படும் எனச் சென்னை உயர் நீதிமன்றம் தெரிவித்துள்ளது.

Leave a Reply

Your email address will not be published. Required fields are marked *